دوو هاووڵاتیی دەستبەسەر کراوی خەڵکی بۆکان یەک ساڵە بێ دادگایی کران لە بەندیخانە ڕاگیراون

دوو هاووڵاتیی خەڵکی یەکێک لە گوندەکانی دەورووبەری بۆکان کە ساڵی ڕابردوو لە لایەن هێزە ئەمنییەکانەوە دەستبەسەر کراون، هێشتا دادگایی نەکراون و لە بەندیخانەی ئەو شارە ڕاگیراون.


بە پێی ڕاپۆرتی گەیشتوو دوو هاووڵاتیی خەڵکی بۆکان بە ناوەکانی ”هیوا قوربانی ئەقدەم“ و ”محەمەد ئەلیاسی“ سەرەڕای ئەوە کە یەک ساڵە دەستبەسەر کراون، بەڵام هێشتا نە دادگایی کراون و نە مافی مرەخەسییان پێدراوە.


ئەو دوو هاووڵاتییەی خەڵکی گوندی قەرەگوڵ ڕۆژی شەممە ١٧ی خاکەلێوەی ٢٧١٩ (٦ی ئاوریلی ٢٠١٩) دوای بانگ کران بۆ پاسگای ”قەرەمووسالی“ دەستبەسەر و لەوکاتەوە لە دەستبەسەرگەی ئیدارەی ئیتلاعات و بەندیخانەی ناوەندیی شاری بۆکان ڕاگیراون.


ئەو دوو کەسە بە تۆمەتی هاوکاری کردنی یەکێک لە حیزبە کوردستانییەکانی دژبەری ئێران دەستبەسەر کراون.

About The Author

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *